ಡಾಲರ್ಗೆ ಎಪ್ಪತ್ತು ರೂಪಾಯಿ

ಇಂದು ಡಾಲರ್ಗೆ ಎಪ್ಪತ್ತು ರೂಪಾಯಿ
ನಾವಾಗಲಿದ್ದೇವೆಯೆ ದೊಡ್ಡಣ್ಣನ ಸಿಪಾಯಿ
ಅಮೇರಿಕಾ ಆಗಲಿದೆ ನಮ್ಮೆಲ್ಲರಿಗೂ ಬಾಸು
ತುಟ್ಟಿಯಾಗಲಿವೆ, ಪೆಟ್ರೋಲ್, ಡಿಸೈಲ್, ಗ್ಯಾಸು.

ಈಗಲಾದರೂ ಕಮ್ಮಿಯಿರಲಿ ನಿಮ್ಮ ತಳುಕು ಬಳಕು
ಹೀಗೆ ಮುಂದುವರೆದರೆ ಕಷ್ಟ ನಿಮ್ಮ ಬದುಕು
ತೂಗಿ ನೋಡಿ ನೀವು ಖರ್ಚು ಮಾಡುವಾಗ
ಬರಲಾರು ಯಾರು ನಾವು ಕೊಚ್ಚಿ ಹೋಗುವಾಗ.

ಸ್ವಲ್ಪವಾದರೂ ಬೆಳೆಸಿಕೊಳ್ಳಿ ಸ್ವದೇಶಿ ವ್ಯಾಮೋಹ
ಕಡಿಮೆಯಿರಲಿ ವಿದೇಶಿವಸ್ತುಗಳ ಖರೀದಿಸುವ ದಾಹ
ನಾವು ಉಳಿಸದರೆ ತಾನೆ ಉಳಿಯುವುದು ಈ ದೇಶ
ಇಲ್ಲದಿರೆ ನಾವೇ ತೆರೆದಿಟ್ಟ ಗುಂಡಿಯಲಿ ನಮ್ಮ ನಾಶ.

ಯೋಚಿಸಿ ಮತ್ತೊಮ್ಮೆ, ಮಗದೊಮ್ಮೆ ಕೊಳ್ಳುವ ಮೊದಲು
ಡಾಲರ್ನೆದುರು ಆಗದಿರಲಿ ನಮ್ಮ ನಾಣ್ಯ ಸವಕಲು
ಚಿನ್ನ ಖರೀದಿಸಲು ಬೇಡ ಅಷ್ಟೊಂದು ಅವೇಗ
ಚೇತರಿಸೋಣ ನಮ್ಮ ರೂಪಾಯಿಯನು ಅದಷ್ಟು ಬೇಗ.

                               --ಮಂಜು ಹಿಚ್ಕಡ್