Our social:

Friday, September 6, 2013

ಹೋಲಿಕೆ...


ಪ್ರೀಯೆ!
ಅಹಲ್ಯೆ, ಸೀತೆ, ದ್ರೌಪದಿ, ಮಂಡೋದರಿ, ತಾರಾ,
ಈ ಐವರಲಿ, ನಿನ್ಯಾರ ಹೋಲಿಕೆ?

ಅಹಲ್ಯೆ?
ಇಂದ್ರನ ಮೋಸಕ್ಕೆ
ಅವಳ ಪ್ರೇಮದ ಸೋರಿಕೆ!

ಸೀತೆ?
ರಾವಣ ಹೊತ್ತೈದಿದಕೆ
ಇವಳ ಪಾತಿವ್ರತ್ಯದ ತನಿಕೆ!

ದ್ರೌಪದಿ?
ಒಬ್ಬನೊಂದಿಗೆ ಮದುವೆ
ಐವರೊಂದಿಗೆ ಹಂಚಿಕೆ!

ಮಂಡೋದರಿ?
ರಾವಣನ ದುಸ್ಸಾಹಸಕೆ
ಪರಿತಪಿಸಿದವಳಲ್ಲವೇ ಆಕೆ!

ತಾರಾ?
ಗಂಡ ವಾಲಿದ್ದ ಅತ್ತಿಗೆಯ ಮೋಹಕ್ಕೆ,
ಕೊಚ್ಚಿ ಹೋದಳು ಆಕೆ ಚಂದ್ರನ ಸೆಳತಕ್ಕೆ!

ಇನ್ನೂ ಈ ಐವರು ನನಗ್ಯಾಕೆ?
ಇದ್ದರೆ ಸಾಕಲ್ಲವೇ ನಮ್ಮಲ್ಲಿ ಹೊಂದಾಣಿಕೆ.
ನಾನಾಗಿದ್ದರೆ ಸಾಕಲ್ಲವೇ, ಎಂದೆಂದಿಗೂ ನಿನ್ನಾಕೆ
ನಾನು ನಾನಾಗಿದ್ದರೆ ಸಾಕು, ಇನ್ನ್ಯಾಕೆ ಹೋಲಿಕೆ?
ಎಂದು ಉಸುರಿ ಹೊರಟಳು ನನ್ನಾಕೆ,
ತನ್ನ ಕೆಲಸಕೆ!

--ಮಂಜು ಹಿಚ್ಕಡ್

0 comments:

Post a Comment