Our social:

Wednesday, January 15, 2014

ನೀ ನನ್ನ ಜೊತೆಗಿರಲು...


ಆ ನಿನ್ನ ನಯನಗಳು
ನನ್ನನೇಕೋ ಕೆಣಕುತಿವೆ
ಆ ನಯನಗಳ ನೋಟಕೆ
ಅದರಗಳೇಕೋ ಅದರುತಿವೆ.

ಆ ಪ್ರೀತಿ ಹಂದರದಿ
ಭಿತಿಗೆ ಎಡೆಯುಂಟೆ
ಆ ಸರಸದ ನೋಟದಲಿ
ವಿರಸಕ್ಕೆ ಎಡೆಯುಂಟೆ.

ಆ ನಿನ್ನ ಮೌನದ ನೋಟಕೆ
ಮಾತಿಗೆ ಎಡೆಯುಂಟೆ
ಪ್ರೀತಿಗೆ ಮೌನದ ಲೇಪಕೆ
ಮಾತು ಬೇಕೆನಿಸುವುದುಂಟೆ.

ಮಾತಿಗೆ ಮೌನದ ಲೇಪವಿರಲು
ಸರಸಕ್ಕೆ ವಿರಸದ ಲೇಪವಿರಲು
ಹೊತ್ತು ಕಳೆದದ್ದು ತಿಳಿಯುವುದುಂಟೆ
ಜನ್ಮ ಕಳೆದರೂ ಮುಗಿಯುವುದುಂಟೆ
ಈ ಸರಸ ಸಲ್ಲಾಪ.

ನೀ ಹತ್ತಿರ ಸುಳಿಯುತ್ತಿರಲು
ಮೈ ಮನಸುಗಳು ನಿಂತಲ್ಲಿ ನಿಲ್ಲದೇ
ನಿನ್ನ ಸುತ್ತ ಸುತ್ತುತ್ತಲೇ ಇರುತ್ತವೆ
ಗಡಿಯಾರದ ಮುಳ್ಳುಗಳಂತೆ

ಕಂಡ ಕನಸುಗಳ ದಾರಿಯಲಿ
ನೀ ನನ್ನ ಜೊತೆಗಿರಲು
ಈ ಬದುಕು ಸಗ್ಗವಾಗಿರದೇ
ನರಕ ಆಗುವುದುಂಟೆ.

--ಮಂಜು ಹಿಚ್ಕಡ್

0 comments:

Post a Comment