ಶಿಕ್ಷಕ!

ಅಜ್ನಾನಿಗಳಲಿ, ಸುಜ್ನಾನವ ತುಂಬಿ

ದಾರಿ ತೋರುವೆ, ಬಂದರೆ ನಿನ್ನ ನಂಬಿ!

ತಪ್ಪಿರಲಿ, ಒಪ್ಪಿರಲಿ, ಎಲ್ಲರನು ಮನ್ನಿಸಿ

ಒಳಿತಾಗಲಿ ಎಂದು, ಎಂದೆಂದಿಗೂ ಹರಿಸಿ!

ದಾರಿ ತೋರುವೆ ನೀ, ದಿಕ್ಸೂಚಿಯಂತೆ,

ಬಾಳ ಬೆಳಗಿಸುವೆ ನೀ, ಹಣತೆಯಂತೆ!

ಬಾಲಕ, ಪಾಲಕರ ನಡುವೆ ಸ್ನೇಹಸೇತುವಾಗಿ,

ಸವಿಸುವೆ ಜೀವನವ ಶಿಕ್ಷಣಕ್ಕಾಗಿ!

ಕಷ್ಟವಿರಲಿ, ನಷ್ಟವಿರಲಿ, ನಗುವ ವಧನ ನಿನ್ನದು,

ನೋವೇ ಇರಲಿ, ನಲಿವೇ ಇರಲಿ, ಶಾಲೆ ಮಾತ್ರ ತಪ್ಪದು!

ನಗಿಸುವೆ ನೀ ನಿನ್ನ ನೋವ ಮರೆತು,

ಹರಸಿ, ಬೆಳೆಸುವೆ ನೀನು ಎಲ್ಲರನು ಅರಿತು!

ವಿದ್ಯಾರ್ಥಿಗಳಿಗೆಲ್ಲ ನೀ ಕಾಮಧೇನು,

ನಿನಗಿಂತ ಮಿಗಿಲಾದ ದೇವರುಂಟೇನು?

--ಮಂಜು ಹಿಚ್ಕಡ್