ನೀ ಇರಲು ಜೊತೆಯಲ್ಲಿ!

ನನ್ನ ಹೆಸರ ಮಧ್ಯದಲ್ಲಿ
ನಿನ್ನ ಹೆಸರ ಮೊದಲ ಶಬ್ಧ
ಕಡೆಯ ಶಬ್ಧಗಳೆರಡ ಬಳಸುವಾಗ
ಮನಸು ಮಂತ್ರ ಮುಗ್ಧ.

ನಿನ್ನ ನುಡಿಯ ಕೇಳುತಿರಲು

ಮನದಿ ಒಲವ ಸಿಂಚನ

ನಿನ್ನ ಸ್ಪರ್ಷ ತಾಕಿದಾಗ

ಹೃದಯ ವೀಣೆಯ ಕಂಪನ.

ಕಣ್ಣು ಕಣ್ಣು ಬೆರೆಯುವಾಗ
ಉಸಿರು ಮೌನ ಮರೆತಿದೆ
ಹೃದಯ ವೀಣೆ ಮೀಟುವಾಗ
ಪ್ರೀತಿ ಚಿಮ್ಮಿ ಹರಿದಿದೆ.

ದಿನಗಳುರುಳಲಿ, ವರ್ಷ ಕಳೆಯಲಿ
ಹೊಸತಿರಲು ನಮ್ಮ ಅನುಭವ
ಹಳತರಲ್ಲಿ ಹೊಸತ ಹುಡುಕುತ
ಕಳೆದು ಬೀಡುವ ಕಾಲವ.

ಚಳಿಯಿರಲಿ, ಬಿಸಿಲು ಮಳೆಯಿರಲಿ

ಹೀಗೆ ಸಾಗುತಿರಲಿ ಜೀವನ

ಗತಿಸಿದ್ದೆಲ್ಲವ ಮರೆತು ನಡೆಯುವ

ತಣ್ಣಗಿರುವುದು ಈ ಮೈಮನ.

ನೋವು ನಲಿವುಗಳೇನೇ ಇರಲಿ
ನೀನು ಇರಲು ಜೊತೆಯಲಿ
ಹೆಜ್ಜೆ ಹೆಜ್ಜೆ ಕೂಡಿ ಇಡುವ
ಬಾಳ್ವೆ ಎಂಬ ಪಥದಲಿ.

--ಮಂಜು ಹಿಚ್ಕಡ್